လူတစ်ယောက် နဲ့ တစ်ယောက် ခံစားချက်ချင်းက တူတာမဟုတ်သလို စိတ်ခံစားမှု ကလဲ
တစ်ယောက် တစ်မျိုး လေ ။
သူမကဆိုးတယ် ၊ဘယ်လိုဆိုးတာမျိုးလဲဆိုတော့ သူမကချစ်တဲ့ သူမကို ချစ်တဲ့သူတွေအပေါ်မှာပဲဆိုးတာ သူစိမ်းအပေါ်မှာဆို အရမ်းကိုလိမ်မာနူးညံ.တဲ့ သူမျိုးပေါ့ ၊
သူမ သူငယ်ချင်းတွေက ၀ိုင်းပြောကြတယ် နင် ရီးစားမထားနဲ့တဲ့ နင့်စိတ်နဲ့မဖြစ်ဘူးပေါ့ ။ ဒါပေမယ့်သူမ ရီးစားတစ်ယောက်ရခဲ့တယ် …သူမ က သူ့ ကိုအရမ်းချစ်တယ် ---သူမ ကံကောင်းခဲ့ပါတယ် ။
သူကလည်း သူမကိုအရမ်းချစ်တယ်လေ ၊ နေ့တိုင်း အလုပ်သွား အလုပ်ပြန်တွေမှာ သွားအတူလာအတူ နဲ့ အမြဲတမ်းအတူရှိခဲ့ကြတယ် ။ စိတ်ကောက်လိုက် ရန်ဖြစ်လိုက် ပြန်ချော့လိုက် ပြေလည်သွားလိုက်နဲ့ သူမတို့နှစ်ဦး (၂)နှစ်တာ ကာလကိုကုန်ခဲ့ကြတယ် ။ အဲ့ဒီ ကာလအတွင်းမှာ သူမ ဆိုးခဲ့တာပဲ
ဟိုလူကိုမကြည့်နဲ့ ဒီလူ ကိုမကြည့်နဲ့ အမြဲချုပ်ချယ်တယ် သူမက သ၀န်လည်း အရမ်းတိုတတ်တယ် ။
စိတ်တိုလာရင်လဲ သူတစ်ဖက်သားကို ရင့်ရင့်သီးသီးပြောတတ်တယ် -----
တဖြည်းဖြည်းနဲ့ သူ့ဘက်က အလျှော့ပေးတာများလာခဲ့တယ် ။ သူ စကားတောင် ဟိုရောက်ဒီရောက် မပြောရဲရှာတော့ဘူး …သူပြောတာနည်းနည်းနဲ့ သူမ က အထအန ကောက်ပြီး အမြဲရန်လုပ်လို့ ရန်ဖြစ်ရတဲ့သာဓက တွေလဲ ရှိတာကိုး …..
သူမကတစ်ခါတစ်လေ သူမ သူငယ်ချင်းတွေကိုပြောတတ်တယ် သူကအရမ်းသဘောကောင်းတယ် ငါ့အပေါ်လည်း အနွံတာခံတယ်ပေါ့ ၊ သူမကောင်းကောင်းသိပါတယ် သူ သူမကိုအလျှော့ပေးတာကို ၊ ဒါကြောင့်လဲသူမ သူ့ကို ပိုချစ်ပြီးပိုဆိုးလာတယ်။ သူမက သိသာ သိတာ …. ကိုယ့်ကိုကိုယ်ဘယ်တော့မှမပြင်ဘူး ..လုပ်သမျှတိုင်းဟာ သူမစိတ်ကြိုက်ချည်းပဲ ……
သူကပြောတယ် လက်ထပ်ပြီးရင် သူ့အိမ်မှာလိုက်နေဖို့အတွက်ပေါ့ ၊ဖြစ်သင့်ပါတယ်ဒါက။
သူမတို့အိမ်မှာကလည်းသူ့ကိုခေါ်ထားရအောင် အခန်းလွတ်မရှိဘူး သူမတို့မိသားစု အားလုံး စည်းစည်းလုံးလုံး စုနေကြတာလေ ….သူမကလည်းသိပါတယ် ၊ ဒါပေမယ့်ဆိုးနေကျအတိုင်းဆိုးတာ …မနေနိုင်ဘူး ဘာညာပေါ့ .. သူကကောင်းကောင်းရှင်းပြပါတယ် သူက သားအကြီးဆုံး၊ ..သူ့မိဘတွေကလဲ အသက်ကြီးပြီ အိမ်မှာအားကိုးအားထားဆိုလို့ သူပဲရှိတယ် အိမ်မှာလဲလူမရှိဘူး ပေါ့…
သူမကလည်း တကယ်လို့ယူပြီးရင် လိုက်နေရမှာ သိပါတယ် . ဒီလောက်အဆင်ပြေနေတာပဲဟာ ။
ဒါပေမယ့်သူမကပြောသေးတယ် မိဘတွေအသက်ကြီးတာနဲ့ပဲ သူ က အိမ်အလုပ်တွေ လုပ်ရမှာလား ဘာလားနဲ့ မလုပ်နိုင်ဘူးလို့ပြန်ပြောခဲ့တယ် ၊သူမစိတ်ထဲတွေးတာကတော့ လုပ်ကာမှလုပ်ရစေဦး ယောက်ကျားဆိုတာ ကြိုပြောထားမှ ဆိုပြီးပေါ့ ……….သူ့မိဘတွေက လူကြီးတွေဆိုတော့ ပစိပစပ်ကများဦးမှာလားဘာလား ဆိုပြီးတော့တောင် ထပ်ပြောလိုက်သေးတာ ………….
သူမက ခဏခဏလဲစိတ်ကောက်တယ် တစ်ခါ စကားများပြီးရင်သူမ က စကားမပြောပဲ
စိတ်ကောက်လိုက်တာ ၂ရက်လောက်ကြာတယ် ၊အဲ့ဒီလောက်ဆိုးတဲ့ သူမ ။
သူနဲ့သူမကြား က အဖုအထစ်လေးတွေဟာ မရေတွက်နိုင်အောင်များပြားခဲ့တယ် …
သူမ က မကျေနပ်ရင် ထုတ်ပြောလိုက် စိတ်ကောက် လိုက် နဲ့ဖွင့်ထုတ် နိုင်ခဲ့လို့လား တော့မသိဘူး၊သူမဘက်ကတော့သူမတို့နှစ်ယောက်ကြားအဖုအထစ်ရှိခဲ့တယ်တောင်
မထင်ခဲ့ဘူး ၊
ဒါပေမယ့်လည်းအချိန်တွေကြာလာတော့ သူ့ရင်ထဲမှာ အက်ကြောင်းတွေထင်လာတယ်
သူမပျော်တော့ဘူး ……….. သူမကိုမချစ်တော့တာမဟုတ်ဘူး တဖြည်းဖြည်းနဲ့စိတ်ကုန်လာတာ သူ့ခမျာ အမြဲ သတိဆွဲထားရတယ် သူမနဲ့အတူရှိတိုင်းမှာ …သူမက မထင်ရင်မထင်သလို လူကြားထဲလဲမရှောင်သူ့ကို ဟောက်တတ်သေးတာ …ကြာတော့ သူစိတ်ညစ်လာတယ် ……….အမှန်အတိုင်းပြောရရင်
သူမနဲ့လက်ထပ်ရမှာလဲကြောက်လာတယ် ………သူ့ဘာသာပဲလွတ်လွတ်လပ်လပ် နေချင်စိတ်က ပိုပြင်းထန်လာတယ် ……
သူက စိတ်မြန်လိုက်တာများ အချိန်မဆွဲပဲနဲ့ သူမကို ဘာအကြောင်းပြချက်မှ မရှိဘဲဖြတ်ခဲ့တယ် …….အရင်လို သူမနဲ့ရန်ဖြစ်စိတ်ကောက်ရင်းနဲ့မတွေ့တော့ပဲ ဖြတ်လိုက်တာမဟုတ်ပဲနဲ့ အစိမ်းလိုက်ဖြတ်ချခဲ့တာ …………………………
သူမအနေနဲ့အရမ်းကြေကွဲခဲ့ရတယ် သူမသိတယ် သူမဘ၀မှာသူမရှိရင်မဖြစ်တာလဲသိတယ် ။ ဒါလည်းအခုမှ သိတာမဟုတ်ဘူး စိတ်ကောက်တိုင်း စကားမပြောတိုင်း သူမ သိပေမယ့် သူမ က အဲ့ဒီလိုနေ့မျိုးဆို တစ်ယောက်ထဲ အရမ်းကြေကွဲနေတာ …..သူ့မျက်နှာ တွေ့ချင်စိတ်နဲ့ သူ့အနားရှိချင်စိတ်တို့ က တားမရ ဆီးမရ ဖြစ်ခဲ့တာ ….နောက်တစ်နေ့ သူလာချော့ရင်ပြေသွားသလို နဲ့သူမ အမြဲအဲ့လို ခံစားခဲ့ရတာ ………..သူနဲ့ခွဲဖို့ကိုဘယ်တော့မှမဖြစ်နိုင်ဘူးဆိုတာ သူမကိုယ်သူမသိတယ် ။
ဒါပေမယ့်လွန်ခဲ့ပြီ ..သူ့ကိုဘယ်လိုချော့ချော့ ဘယ်လိုငိုပြောပြော သူ့အသည်းက ခိုင်တာလားမသိပေမယ့် ဘယ်လိုမှစိတ်ပြန်လည်လာအောင် လုပ်လို့မရတော့ဘူး ၊
အဲ့ဒီတုန်းက သူမ ကိုယ့်ကိုကိုယ်သတ်သေလိုက်ဖို့အထိ နေ့နေ့ညည စဉ်းစားတယ်
တကယ်လဲသေချင်တယ် ။ ထမင်းလဲမှန်မှန်မစားတော့ဘူး ..ပေပေတေပေ လဲ သူမကိုယ်သူမ နေတယ် ညလဲမအိပ်ဘူး ။ တစ်ခါတစ်လေ တစ်ညလုံးထိုင်ငိုတဲ့အခါငိုနေတတ်တယ် …သူမအိမ်က လဲ ဘာမှလုပ်ပေးလို့မရဘူးလေ ၊
ကာယကံရှင် သူ့ဘက် က မှ မလိုလားတော့တာ …သူမကိုစိတ်ပြေအောင်ပြော ချော့မော့နဲ့ပဲ အချိန်တွေ တဖြည်းဖြည်းကုန်လွန်လာခဲ့တယ် …………။
အချိန်ဆိုတာ ဆေးသမား ဆိုတဲ့ စကားဟာ တကယ်လဲမှန်ပါတယ် …..အချိန်တွေကြာလာ
တော့လည်း ….လုံးဝကြီးမမေ့တောင် သူ့ကို သူမ မေ့နိုင်လာတယ် ……….
ဒါပေမယ့် ခံစားခဲ့ရတဲ့ ဝေဒနာကအရမ်းကြီးမားတယ် သူမသိတ်ကြောက်သွားခဲ့ပြီ …
နားလည်းလည်ခဲ့တယ် …..အချစ်ဆိုတာဟာ မီးလိုပဲ …… သူမအတွက်တော့သူမဘ၀တစ်ခုလုံးလောင်ကျွမ်းသွားလောက်အောင်ခံစားခဲ့ရတာ ..
အခုချိန်လောက်ဆိုရင် သူ ကတော့ သူမ ကိုမေ့နေပြီလားမပြောတတ်ဘူး ..
အသည်းကွဲတယ် အသည်းကွဲတယ် နဲ့လူတွေပြောကြတာ ……..ခံစားရမှ အသည်းကွဲတယ်ဆိုတာကြောက်စရာ အကောင်းဆုံးဝေဒနာပါပဲ ………….
သူမ တိုက်ဆိုင်တဲ့အခါတွေတိုင်း သူ့ကိုသတိရတယ် သတိရတိုင်းမျက်ရည်ကျခဲ့ရတယ် ..
တကယ်ကိုပဲ သူ့ကို သူမသိတ်ချစ်ခဲ့ပါတယ် ….
သူ အဝေးကြီးရောက်သွားပေမယ့် သူမ တို့တစ်ယောက်နဲ့တစ်ယောက်မဆုံနိုင်ကြတော့
ပေမယ့် သူမ မျှော်လင့်နေဆဲ ပါပဲ …… သူ့ရဲ့သတင်းတွေကိုလဲ သိချင်နေဆဲပါပဲ ။
သူ မသိတော့ပေမယ့် သူမက သူ့ကိုပြုမူခဲ့သမျှတွေဟာ သူ့ကိုသိတ်ချစ်လို့ ဆိုးနွဲ့ချင်တဲ့
စိတ်တစ်ခုတည်းပဲရှိပါတယ် …သူ့ကိုထိခိုက်စေချင်လို့မဟုတ်ဘူးဆိုတာ အဲ့ဒီတုန်းကရော
အခုရော နောင်ရော သူမအတွက် သေချာပါတယ် ….
သူ စိတ်ချမ်းသာမယ်ဆိုရင် သူမ ဘာမဆိုပေးဆပ်ချင်ပါတယ် …………
သူမ သူ့အနားမရှိတော့တဲ့နောက်ပိုင်းမှာလဲ သူမ မရှိလို့ သူပျော်တယ်ဆိုရင် သူ့ကို သူမပျော်စေချင်ပါတယ် …သူမ ကို သတိရခဲ့လို့များ နည်းနည်းလေး စိတ်ထဲ မပျော်ရွင်ခဲ့မှုများခံစားခဲ့ရင် …သူမကို သတိမရပါစေနဲ့လို့ပဲသူမ ဆုတောင်းမိမှာပါ ။
No comments:
Post a Comment